Refleksaun ba Loron Mundial HIV/AIDS

Dalabarak ita hanoin problema HIV/AIDS hanesan problema kiik ida iha ita nia oin. Tanba ne'e mosu iha ita nia kakutak atu hodi koko dalan ne'e. Maibe wainhira ita tama tiha iha kondisaun ne'e susar tebes atu hasees-an husi problema ne'e.

Ohin ita selebra loron mundial HIV/AIDS nian. Ita halo to'ok refleksaun ida ba ita nia an rasik katak ema ida-idak tenke halo prevensaun antes hanoin atu hakarak tama no koko iha kazu ne'e.

12, Novembru, Massacre Santa Kruz

Saida mak iha imi nia hanoin kona ba masakre santa kruz?





Hanesan jovens Timor oan, wainhira hanoin hikas fali momentu ne'e ita nia laran triste, hirus, odio, fuan moras mosu iha ita nia neon. Maibe buat hirak ne'e atu tau todan ba see loos? Ita dalabarak husu atu nasaun Indonesia atu responsabiliza ba kestaun ne'e, atu sira bele haree justisa tanba deit umanidade. Maibe dalabarak la iha rezultadu mosu iha ita nia oin.

Ba hau an rasik, hanesan joven ida iha nasaun ne'e nia laran sente laran kanek hanesan mos familia maluk sira ne'ebe nia oan lakon iha momentu ne'eba. Dalaruma tuir hau nia hanoin ita tenke husu ba ulun boot sira atu tau justisa iha oin hodi responsabilidade husi autor krime umanidade sira. Hanesan nasaun foun ida ita mos tenke iha neon no fuan boot atu halo refleksaun kle'an hodi tau interese ema barak nian liuliu foinsa'e Timor oan sira nian sai responsabilidade ema hotu nian. Ne'e signifika katak ita tenke simu katak ne'e konsekuensia funu ita tenke simu ho fuan nakloke maske fitar mosu barak iha ita nia fuan. Ita bele reflete katak "See la akontese hanesan ne'e karik, ita Timor oan seidauk haree loromatan independensia iha tempu ne'e". Se karik la iha kontribuisaun husi juventude sira, dalaruma mundu internasional seidauk recognize ita. Tanba ne'e ita mos tenke tau iha neon no fuan katak "Jovens mos Martires da Patria". VIVA JOVENS TIMOR LESTE! VIVA 12 DE NOVEMBRU!!!

Refleksaun Pessoal

Momentu ida ne'e importante tebes ba ita atu halo refleksaun ba ita an rasik katak loron ba matebian nian besik daudaun ona mai. Dalabarak haluha ita nia an, ita mai husi ne'ebe no atu fila fali ba ne'ebe? Ita nia kostume ne'ebe tinan-tinan ita halo hodi hanoin hikas fali beiala no maunalin hirak ne'ebe hakat ona ba mundu seluk. Haree fila fali to'ok ba ita nia an rasik saida hau halo ona iha hau nia moris lor-loron nian? Se buat barak hau halo ona benefisiu saida mak hau hetan iha loron ikus?

Probabelmente, ba hau pessoal, dalabarak hau haluha tiha hau nia an rasik. Katak hau ne'e se loos? Hau mai husi ne'ebe? No atu halo saida? Fragmentasaun barak iha hau nia kakutak, hau neon mosu buat furak oi-oin halo hau haluha semak hau?

Ba leitores sira hotu koko atu responde ba imi an rasik...

Jovens "Teenager"/ Remaja

http://asnahhamid.blogspot.com/ or http://bobex.wordpress.com/2007/01/17/bukan-masalah-remaja-sahaja/ or http://www.geocities.com/kavyan_kavya/raman0301.html
"Teenager" katak ema feto ka mane ne'ebe foin dau-daun mak tama ba tinan 15 to'o 19. Ita hotu hatene katak entre tinan hirak ne'ebe temin ona iha leten ne'e hanesan faze kritiku liu atu buka hatene buat hotu. tan ne'e presiza inan-aman ka ema ne'ebe iha relasaun besik liu hanesan tiun, mestre sira ka ema seluk atu akompanha beibeik sira hodi nune'e sira labele monu buat ruma ne'ebe ita labele espera.

Demokrasia...

Demokrasia http://democracy.com

Demokrasia katak mai husi fila ba povu. Ne’e signifika katak povu kontribui buat ruma ba nasaun no ninia impaktu positivu sei mosu iha sira nia leet. Iha parte seluk, demokrasia katak direito no dever. Ne’e signifika katak ema pessoal ida-idak hetan direitu atu halo buat hotu hanesan direitu atu hetan saúde diak no seluk tan. Maibé mós ema ida-idak iha mós obrigasaun atu halo tuir ka dever ne’ebé hakerek tiha ona iha livru lulik iha uma fukun katak ema hot-hotu tenke respeita lei ne’ebé existe ona iha ita rain.

Buka hatene to'ok saida demokrasia tuir imi nia pontu de vista?

Muturabu: Saida mak ita boot halo ona ba Nasaun ida?

Muturabu: Saida mak ita boot halo ona ba Nasaun ida?
www.humanrights.com

Kria Paz, Hakribi Violensia!!!

Timor Leste hanesan nasaun ne'eb� foun iha mundu.Iha ist�ria barak iha passadu. Impaktu husi funu hirak ne'eb� liu ona mak Violensia. Violensia ne'e ita kuda ona iha ita nia hanoin, sai ona parte husi ita nia moris. Maib� oras seidauk iha liafuan "tarde" atu hadia ita nia moris no kontribui ba paz hodi estabelese dezenvolvimentu nasional..........!!!

Saida mak ita boot halo ona ba nasaun? Husu to'ok ba ita nia an rasik katak saida mak ita halo ona iha ita nia moris iha tempu independensia nia laran.

Saida mak ita boot halo ona ba Nasaun ida ne'e?

http://stopviolence.com/

Dalabarak ita gosta husu buat barak ba nasaun maibe ita la hanoin saida mak ita atu oferese ba nasaun ida ne'e.

Hanesan ita hotu hatene katak mundu global presiza ita nia kontribuisaun ba dezenvolvimentu. Tan ne'e iha promosaun bara-barak kona ba dame.

Haree ba figura ne'e no analiza to'ok no fo resposta! Saida mak iha imi nia hanoin?

Istória aat iha passadu ..........!!!!!!!!!!!!!!!!??

Baucau , 2007

Iha foto ne'e hatudu ba mundu katak ita iha momentu ita seidauk iha maturidade hanoin atu sukat klima politika. Tanba ne'e ita hotu hanesan hamriik iha mota klaran, lasente katak mota lori dau-daun ona ita.

Haree fila fali to'ok ba kotuk saida mak ita halo ona ba ita nia nasaun?

Karik ita la respeitu ita nia luta, dalabarak ita husu buat barak nasaun maibé susar atu kontribui ba Nasaun.

koko atu muda ita nia hahalok ba hodi kontribui dezenvolvimentu Nasional..............

Opprtunidade

Halo refleksaun ba ó nia an rasik katak ohin ó halo ona buat ne'ebé furak no iha valor ba ema hotu no an rasik. Maibé, dalabarak ita haluha saida mak ita halo iha ohin loron no laiha planu ba aban bainrua nian. ..........Adeus

Muturabuizmu Sei Horik Nafatin Iha Ita Nia Kakutak

Muturabuismo mai husi liafuan muturabu, liafuan ne’e mai husi lian Makasae (Muturabu= agresaun ka hahalok aat ne’ebe atu hakarak deit destroi ema seluk ka sasan ruma, no Izmu= doutrina ka konseitu ida). Ita ukun-an tiha ona, buat barak ita husik hela iha tinan hirak liu ba. Esperiênsia oi-oin ne’ebé hetan iha ita nia moris lor-loron nian hanesan istori malu, Baku malu, oho malu, nst. Hahalok hirak ne’e hanesan ona lisan ka kostume ida ne’ebé ita nia aman-inan, maun-alin no naituak bei’ala sira husik hela mai ita. Husi ida ne’e ita nuudar “Jerasaun foun ba nasaun ida ne’e” sei nafatin hatutan doutrina muturabu hanesan kostume ka lisan ida iha ita nia moris lor-loron nian. Iha artigu ida ne’e ha’u hakarak aprezenta oinsa doutrina violensia ka muturabuismo ne’e sei sai hanesan lisan ka hahalok permanente ne’ebé metin no nia abut buras ona iha ita nia mentalidade husi perspetiva psikolojia nian. No hanesan refleksaun boot ida ba ita nia moris.

Tanba sa realidade moris lor-loron nian iha nasaun ida ne’e nia laran, ita sei haree ema barak istori malu, baku malu, oho malu nst.? Iha razaun barak atu hatán pergunta ne’e. Ita bele dehan katak hahalok hirak ne’e mosu tanba situasaun politika, funu entre ita Timor-oan no invazaun husi nasaun seluk ne’ebé fo tiha ona opotunidade ba ita atu aplika hahalok muturabu (Violence) iha ita nia moris to’o ohin loron. Tuir perspektiva psikolojia nian dehan katak muturabuismo metin tiha ona iha ita nia mentalidade no ida ne’e ita sei la husik no la soe husi ita vida lor-loron, nune’e mós Skinner, Behaviorista ida dehan katak labarik ki’ik sira iha realidade sempre imita hahalok ema adultu sira nian husi aspetu positivu no negativu nian. Wainhira moris mai ita iha ona hanoin ka iha nanis ona konseitu báziku natural atu kontaktu ho ambiente iha ita nia sor-sorin. Maibe, hahalok ne’ebé hatudu husi environment ka ambiente ita sei imita no tau iha ita nnia kakutak (memory) atu aban bain rua kuandu adultu ona, ita sei uza hahalok ne’ebé ita imita ne’e ba vida moris nian. Dalabarak, labarik sira hanoin katak hahalok ne’ebé nia hetan iha environment ka ambiente sosiál ne’e diak hotu tanba sira inosenti lahatene buat ida ka la klasifika didiak hahalok ne’ebé mak aat no ne’ebé mak diak. Imitasaun hahalok muturabu ne’e sai ona hanesan baze fundamental ida ba ema ida-idak hodi haburas violensia iha nia hanoin hodi aplika iha sira nia moris.


Esplikasaun iha leten hatudu katak mentalidade muturabu ne’e; primeiru, hahalok ne’e mosu tanba konsekuensia funu no invazaun husi nasaun seluk. Segundu, iha parte ambiental nian sei influensia makaas iha prosesu dezenvolvimentu ema nian mak ambiente família uma-laran, ambiente eskola no ambiente sosiál. Tuir hakerek na’in nia observasaun iha realidade hatudu katak muturabu mosu husi uma laran, reinforsa tan iha eskola nomos influensia makaas husi ambiente. Tanba ne’e realidade hatudu mai ita katak labarik barak imita hahalok sosiedade nian iha ambiente. Tuir mai ita sei haree hamutuk sirkulu muturabu nian;

Figura1. Sirkulu Muturabu

Sirkulu muturabu hatudu mai ita katak hahalok violensia partikularmente mosu ba dala uluk hahú husi uma laran no automatikamente mestre no mestra sira reinforsa hahalok ne’e iha ambiente eskola nian. Maske mestre sira la direitamente haruka halo hahalok violensia, maibé labarik sira espontáneu imita hahalok muturabu ne’ebé professor sira hatudu iha sira oin liu husi behavior lor-loron. Ambiente sosiál hanesan fatin universal ne’ebé ema sente livre atu halo saida deit. Nomos wainhira labarik sira nia inan-aman husik sai mai sosiedade nia laran, la iha kontrolasaun no akompañamentu ne’ebé diak labarik sira livre atu hili ka imita hahalok pozitivu no negativu iha ambiente sosiál nia laran. Hodi nune’e hametin liu tan ona muturabuizmu nia abut iha sira nia kakutak. Tanba ne’e mosu ona perspektiva muturabuizmu atu aplika iha sira nia moris. Tuir mai ita sei haree sirkulu nia esplikasaun:

Família uma laran
Família nuudar nukleu ida ba Dezenvolvimentu vida labarik ida nian. Dezenvolvimentu ne’e la’os iha parte Biolojia maibé ba parte “Psyche no Behaviour” mós. Uma laran sai hanesan ambiente primeiru ba labarik ne’ebé iha prosesu dezenvolvimentu ba nia kakutak no nia hahalok. Dalabarak hahalok ne’ebé akontese iha uma laran sei fó influensia maka’as ba labarik nia kakutak (memory). Ita hotu hatene katak naturalmente labarik ida moris mai iha ona konseitu mesak iha ninia kakutak. Maibé, ambiente iha nia sor-sorin sei fó influensia ba prosesu dezenvolvimentu nia kakutak. Iha ne’e labarik sei imita hahalok pozitivu no negativu tanba lor-loron sira haree no sente rasik. Hahalok muturabu hirak ne’ebé fo influensia maka’as mak tuir mai ne’e:

Muturabu verbal
Muturabu ne’e ita bai-bain hasoru ka hetan iha ita nia moris lor-loron. Asaun ne’e perigozu liu ba ema liu-liu labarik ki’ik sira nia pysche (klamar) tanba husi liafuan bele ona hakanek ema ida nia fuan. Liafuan sira ne’e sei afeta ka fo influensia maka’as hodi muda labarik ida nia mentalidade no bele halakon ema nia fiar-an (Self-Confidence).

Muturabu psikis
Hahalok ida ne’e atu kuaze hanesan agresaun/muturabu verbal, maibe iha ne’e haree liu ba aspetu akuzasaun “Kejiwaan” (Psyche). Akuzasaun kejiwaan ne’e ita hetan barak iha tempu okupasaun nia laran liu husi teror no intimidasaun. Wainhira foka ho kacamata psikologia nian ba realidade iha família laran sei akontese barak hahalok teror no intimidasaun liu-liu ema boot ka labarik ne’ebé lakon tiha aman-inan (Yatim-piatu). Akuzasaun ne’ebé sira hetan mak duni sai husi uma, la kompleta sira nia nessesidade lor-loron. Ho ida ne’e ema boot ka labarik ne’e sei hetan pressaun maka’as iha ninia “klamar”.


Muturabu fiziku
Akuzasaun fiziku akontese kuaze iha Timor laran tomak. Iha família laran barak mak sei nafatin uza rota atu hanorin oan sira. Maibe, iha uma laran mos akontese baku malu entre aman ho inan ida hanaran muturabu domestika (Domestics violence). Husi hahalok ne’e mos labarik sira bele kaer atu tau iha sira nia hanoin.

Muturabu ekonomikuAgresaun/muturabu ekonomiku ne’ebé akontese iha uma laran mak liu-liu ba família sira ne’ebé ekonomia fraku. Nune’e sira obriga oan sira atu ba buka osan hodi sustenta moris iha família laran. Nomos wainhira nessesidade dudu família uma laran atu ba debe ema seluk nia osan ho konsekuensia ekonomia fraku, husi ne’e família kria tiha ona inimigo entre família ne’e no osan na’in. Família rua ne’e sei la’o tan ba malu tanba tauk no moe.
Hahalok família (Parental Trait) nian ne’ebé temi tiha ona iha leten ne’e sei afekta ba labarik ida nia moris no kuandu labarik ne’e wainhira sai adulto ona entaun parental trait ne’e sira sei lori to’o mate ka sei aplika iha sira nia moris tomak.

Eskola
Eskola nuudar instituisoens formal ne’ebé atu forma ema sai ema. Nomos eskola sai hanesan fatin segundo ba labarik sira atu hetan dezafiu oi-oin. Iha parte seluk aman-inan fo fiar maka’as loos ba eskola atu responsabiliza labarik sira no eduka labarik sira tuir sistema ne’ebé la relevante ba labarik (kontra konvensaun direito labarik). Dala barak ita hetan ou observa iha eskola iha agresaun/muturabu barak mak akontese iha neba hanesan muturabu verbal, muturabu psikis no muturabu fiziku. Prof. Dr. Zakiah Daradjat (psikologo Indonesia nian) dehan katak “Personalidade mak sei determina oinsa ema atu sai edukador no guiador ka hanesan destroidor no estragador futuru labarik ne’ebé sira eduka, sei inosente no hetan dezafiu barak iha sira nia psyche.” Hanoin husi psikologo ne’e la halai sees husi hahalok professores balun ne’ebé fo importansia deit ba “money” no la fo importansia ba Dezemvolvimentu edukasaun nian. Husi ne’e tuir perspetiva psikolojia nian katak hahalok sira ne’e sei reforsa tan parental trait no environmental trait ne’ebé sira hetan no tau metin iha sira nia memory atu aban bainrua karik sira bele aplika iha sira nia moris enkuantu sira la uza didiak Emotional Intelligence iha sira nia moris.

Environment ka Ambiente da Sociedade
Ambiente da sociedade ne’e hanesan fatin universal ida ne’ebé iha ema barak husi kultura oi-oin. Kultura hirak ne’e balun diak aat no balun diak tuir ita ida-idak nia hanoin. Hahalok barak mak ema hatudu iha sociedade nia laran, labarik sira sei imita mos hahalok muturabu hodi reforsa tan hahalok ne’ebé sira simu iha família laran no eskola. Hahalok muturabu ne’e dala barak sira haree no imita ho dalaruma mos ema halo ba sira. Iha parte seluk, ita tama tiha ona iha era globalizasaun nia laran no haree katak dezemvolvimentu siênsia no teknolojia nian hakat ona pasu barak ba oin liu-liu parte media komunikasaun nian. Iha neba ita hetan meio barak hanesan; televisaun, CD/ kasete disku, radio, internet, jornal, buletin, nst. Ho meios hirak ne’e ita hetan informasaun oi-oin. Fila fali ba hahalok muturabu nian ne’ebé ita imita lor-loron bele mos mai husi mediasaun hirak ne’e hanesan husi filme sira ne’ebé haree iha televisaun ka kasete disku. Ezemplu filme ne’ebé hetan iha kasete disku no programa televisaun nian hanesan smack down, bruce lee, rambo, nst.

Husi hahalok sira ne’ebé temi tiha ona iha leten ha’u foti konkluzaun katak hahalok hirak ne’e wainhira husi ki’ik mai ita sei imita kedas hahu husi uma laran to’o iha ambiente da sociedade nia laran. No wainhira to’o iha ona tempu adultu nian hahalok hirak ne’e (parental trait, teacher trait and environmental trait) sai hanesan ona kostume ba an rasik tanba iha nia memory nakonu ona ho hahalok sira ne’e. Bainhira sai tiha ona hanesan kultura ba an rasik entaun sei fo impatu ba moris uma laran nian no iha ambiente da sosiedade, no bele fo impatu ba nasaun hanesan akontese dau-daun iha ita nia rai laran ohin loron ne’e. Atu evita hahalok hirak ne’e ita presiza haree ita nia konsiensia atu domina emosaun no uza didiak ita nia emotional intelligence hanesan Howard Gardner dehan sai nia teoria (Multiple intelligence).

keta haluha

Baucau koñesidu muturabu (destroyer) iha fatin hot-hotu, iha Timor laran tomak. Maibé, hanesan Baucau oan ami hakarak muda ami nia mentalidade muturabu ba fali mututaba (maturity of thinking). Ami joven Baucau hakarak dezenvolve ami nia rain ho paz no estabilidade.