Mengelola Dokumen dengan Microsoft Word 2003 Secara Profesional : Toko Buku Online - Kutukutubuku.com

SILAKAN KUNJUNGI!


Mengelola Dokumen dengan Microsoft Word 2003 Secara Profesional : Toko Buku Online - Kutukutubuku.com

Adeus tinan tuan-2009, Benvindu tinan foun 2010

Ita hotu husik hela esperiensia barak iha tinan kotuk. Iha esperiensia oi-oin ita hasoru iha moris no atividade lor-loron. Iha buat balun ne'ebe furak no buat balun ne'ebe aat, dalaruma hamnasa no dalaruma ita triste, no dalaruma ita hasoru buat diak ne'ebe halo ita haluha tiha ita nia maluk sira no haluha tiha ita nia an hanesan umanu iha maluk sira seluk nia leet. Tinan tuan ne'e signifika katak ita hamosu istoria barak, ita husik hela ka ita halo buat oi-oin iha momentu ne'eba.
Ba leitores sira, iha perguntas murak ida ne'ebe hau au soe ba ita sira:

1. Saida mak ita boot sira halo ona iha moris lor-loron ba:
a. Ita nia an rasik? b. Ita nia familia? c. Ita nia maluk sira? d. Ita nia komunidade? e. Ita nia nasaun?

2. Vantajen no desvantajen saida mak ita hetan husi ita nia aksaun hirak ne'e?

3. Saida mak aprende husi hahalok hirak ne'e?

4. Saida mak ita atu muda? Saida mak ita bele dezenvolve?


Perguntas hirak ne'e hanesan refleksaun ba ita nia aksaun ne'ebe halo tiha iha tinan kotuk.


BA TINAN FOUN ITA HOTU HAKSOLOK SIMU HO BENVINDU. MAIBE HUSU BA ITA NIA AN RASIK SAIDA MAK ITA ATU HALO IHA TINAN NE'E NIA LARAN.

Adeus tinan tuan-2009, Benvindu tinan foun 2010........BOAS FESTAS............

Refleksaun ba Loron Mundial HIV/AIDS

Dalabarak ita hanoin problema HIV/AIDS hanesan problema kiik ida iha ita nia oin. Tanba ne'e mosu iha ita nia kakutak atu hodi koko dalan ne'e. Maibe wainhira ita tama tiha iha kondisaun ne'e susar tebes atu hasees-an husi problema ne'e.

Ohin ita selebra loron mundial HIV/AIDS nian. Ita halo to'ok refleksaun ida ba ita nia an rasik katak ema ida-idak tenke halo prevensaun antes hanoin atu hakarak tama no koko iha kazu ne'e.

12, Novembru, Massacre Santa Kruz

Saida mak iha imi nia hanoin kona ba masakre santa kruz?





Hanesan jovens Timor oan, wainhira hanoin hikas fali momentu ne'e ita nia laran triste, hirus, odio, fuan moras mosu iha ita nia neon. Maibe buat hirak ne'e atu tau todan ba see loos? Ita dalabarak husu atu nasaun Indonesia atu responsabiliza ba kestaun ne'e, atu sira bele haree justisa tanba deit umanidade. Maibe dalabarak la iha rezultadu mosu iha ita nia oin.

Ba hau an rasik, hanesan joven ida iha nasaun ne'e nia laran sente laran kanek hanesan mos familia maluk sira ne'ebe nia oan lakon iha momentu ne'eba. Dalaruma tuir hau nia hanoin ita tenke husu ba ulun boot sira atu tau justisa iha oin hodi responsabilidade husi autor krime umanidade sira. Hanesan nasaun foun ida ita mos tenke iha neon no fuan boot atu halo refleksaun kle'an hodi tau interese ema barak nian liuliu foinsa'e Timor oan sira nian sai responsabilidade ema hotu nian. Ne'e signifika katak ita tenke simu katak ne'e konsekuensia funu ita tenke simu ho fuan nakloke maske fitar mosu barak iha ita nia fuan. Ita bele reflete katak "See la akontese hanesan ne'e karik, ita Timor oan seidauk haree loromatan independensia iha tempu ne'e". Se karik la iha kontribuisaun husi juventude sira, dalaruma mundu internasional seidauk recognize ita. Tanba ne'e ita mos tenke tau iha neon no fuan katak "Jovens mos Martires da Patria". VIVA JOVENS TIMOR LESTE! VIVA 12 DE NOVEMBRU!!!

Refleksaun Pessoal

Momentu ida ne'e importante tebes ba ita atu halo refleksaun ba ita an rasik katak loron ba matebian nian besik daudaun ona mai. Dalabarak haluha ita nia an, ita mai husi ne'ebe no atu fila fali ba ne'ebe? Ita nia kostume ne'ebe tinan-tinan ita halo hodi hanoin hikas fali beiala no maunalin hirak ne'ebe hakat ona ba mundu seluk. Haree fila fali to'ok ba ita nia an rasik saida hau halo ona iha hau nia moris lor-loron nian? Se buat barak hau halo ona benefisiu saida mak hau hetan iha loron ikus?

Probabelmente, ba hau pessoal, dalabarak hau haluha tiha hau nia an rasik. Katak hau ne'e se loos? Hau mai husi ne'ebe? No atu halo saida? Fragmentasaun barak iha hau nia kakutak, hau neon mosu buat furak oi-oin halo hau haluha semak hau?

Ba leitores sira hotu koko atu responde ba imi an rasik...

Jovens "Teenager"/ Remaja

http://asnahhamid.blogspot.com/ or http://bobex.wordpress.com/2007/01/17/bukan-masalah-remaja-sahaja/ or http://www.geocities.com/kavyan_kavya/raman0301.html
"Teenager" katak ema feto ka mane ne'ebe foin dau-daun mak tama ba tinan 15 to'o 19. Ita hotu hatene katak entre tinan hirak ne'ebe temin ona iha leten ne'e hanesan faze kritiku liu atu buka hatene buat hotu. tan ne'e presiza inan-aman ka ema ne'ebe iha relasaun besik liu hanesan tiun, mestre sira ka ema seluk atu akompanha beibeik sira hodi nune'e sira labele monu buat ruma ne'ebe ita labele espera.

Demokrasia...

Demokrasia http://democracy.com

Demokrasia katak mai husi fila ba povu. Ne’e signifika katak povu kontribui buat ruma ba nasaun no ninia impaktu positivu sei mosu iha sira nia leet. Iha parte seluk, demokrasia katak direito no dever. Ne’e signifika katak ema pessoal ida-idak hetan direitu atu halo buat hotu hanesan direitu atu hetan saúde diak no seluk tan. Maibé mós ema ida-idak iha mós obrigasaun atu halo tuir ka dever ne’ebé hakerek tiha ona iha livru lulik iha uma fukun katak ema hot-hotu tenke respeita lei ne’ebé existe ona iha ita rain.

Buka hatene to'ok saida demokrasia tuir imi nia pontu de vista?